Көндәшләр белән таныштырып үтәбез.
Урал-2 (Екатеринбург) – 2017-2018 елгы сезонда ПФЛ лигасының «Урал-Идел буе»
зонасы дебютанты.
Команда үзенең беренче сезонын 3 нче дивизионда үткәрде. “Өй” матчларын
Сысертида, “Бажовия” базасында үткәрә. Составының 90 проценты “Урал” футбол клубы
мәктәбендә тәрбияләнгән.
Якындагы матч алдыннан үз активына 11 балл (3 җиңү, 2 уртак исәп, 13 оттырыш)
туплады. Турнир таблицасының 12 нче баскычында.

Кышкы тәнәфестән соң Андрей Данилов шәкертләре 2 уен үткәреп, 4 очко туплады.
Башта “Зенит-Ижевск”ны 1:0 исәбенә җиңде, аннары Новотроицк шәһәренең
“Носта”командасы белән 1:1 исәбенә уйнады. Ә бу матчларга кадәр Яшел Үзәннең “Анжи-
Юниор” командасы белән очрашуда техник җиңү яулап, җиңел генә өч очкога ия булды.
Үз кырларында“КАМАЗ” белән беренче әйләнеш очрашуны 1:1 исәбенә тәмамлауга
ирештеләр. Хуҗалар ягыннан ул уенда тупны Павлюченко, ә автозаводчылар
командасыннан – Давид Хубаев кертте.

Матчның судьялар бригадасы:
Баш арбитр - Ян Марушко (Самара).
Сызыктагы судьялар - Максим Пермяков (Ижау), Дмитрий Серебряков (Пермь).
Матч инспекторы - Дмитрий Михайлович Лаптев (Йошкар-Ола).
Сүз уңаеннан: бу командаларның беренче әйләнештәге очрашуында да Ян Марушко
хөкемдар булды.

Безнең очрашудан тыш, 21 нче турда түбәндәге матчлар да үтәчәк:
«Нефтехимик» Түбән Кама - «Сызрань-2003» Сызрань.
«Носта» Новотроицк - «Мордовия» Саранск.
«Волга» Ульяновск - «Лада-Тольятти» Тольятти.
«Крылья Советов-2» Самара - «Оренбург-2» Оренбург.
“КАМАЗ” – “Урал-2” командалары очрашуын, шушы адрес белән кереп, турыдан-
туры күзәтә аласыз - http://fckamaz.ru/media/online/
Иртәгә узачак матчка билет сатып алучыларга, бүләк итеп, яңгыр үткәрми торган
плащ биреләчәк.

Әгәр билет алу өчен чират торасыгыз килми икән, аны хәзер үк безнең сайтка кереп
сатып алырга була - http://tickets.fckamaz.ru/tickets/3157/
Барыгызны да “КАМАЗ” стадионында көтеп калабыз. Килегез, үз командагыз өчен
җан атыгыз!